Monthly Archives: Сентябрь 2013

Юлия Шамшиярова сярысь статья «Удмурт дунне» газетын

Чеберай уг мурта-а, чеберай удмурт-а?

Юлия Шамшиярова

Юлия Шамшиярова

 

Екатеринбургысь Юлия Шамшиярова вотэсын пукисьёслэн син шоразы кылем толэзе йӧтӥз. Атаез, «Урал кенешысь» удмурт Георгий Шамшияров, куриз нылыз понна «Мисс Екатеринбург» ӵошатсконын удмуртъёсты куара сётыны. Нош дыды вераське-а удмурт кылын? Чеберай ассэ удмурт шӧдэ-а? Аслэсьтыз юано кариським.

 

— Малпасько, удмурт шӧм семьяямы песянай пыӵатӥз, – гожтӥз Юлия. – Со – Башкириысь культура удысысь дано ужась, трос лэсьтӥз удмуртлыкез ӝутон понна. Янаул ёросысь Вуж Вараш гуртысь культура юртын кема аръёс ӵоже ансамблен кивалтӥз. Нош Свердловск улосвылэ выжеммы бере песянае Дегтярск карын удмурт ансамбль люказ, 2007-тӥ арын Урал палась удмуртъёсты нырысетӥ Гербере ӧтчаз. Зол юрттӥськизы анай-атае но, бускельёс но. 2008-тӥ арын атае Свердловск улосвылысь удмуртъёслэсь «Урал кенеш» центрзэс кылдытӥз. Анаеным ӵош котырысь гуртъёсы поталляз, удмуртъёсты утчаз, кусыпъёс тупатъяз. Мон тае чакласа будӥ, дорамы ялан вуоно концертлы дасяськонъёс, репетициос ортчо вал уго. Атае уен-нуналэн Интернетэ удмурт фото- но видеоархив люкалляз.

Котьку тодӥсько вал, мон удмурт шуыса. Котькуд гужем Вараш гуртамы ӵужанае доры берталлям, быдэс гужемез отын ортчытъям. Ӵужанаймы милемын удмурт сямен гинэ вераськиз, ӟуч кылын со урод вераське вал. Озьы анай кыллы дышим, Виктория сузэреным ӵош удмурт кылбуръёс но кырӟанъёс дышетӥм. Али анай-атаймы дышем сямъя удмурт кылын вазисько на – нош ми ӟуч сямен ни. Удмурт кылын вераськыны шуггес ик. Сузэреным кыкнамы ик «бытовой» кылэз сяна ум валаське.

Екатеринбургысь теа-тральной институтэз йылпумъяй. Отын но возьдаськытэк эшъёсылы вералляй, мон удмурт шуыса. Чеберлыкъя ӵошатсконэ мон нырысьсэ анай-атаелэн лӧпкытэмзыя пыриськи. 2007-тӥ арын «Мисс Евразия» конкурс ортчиз, отын котькуд калык аслэсьтыз чеберайзэ дэмлаз. Вожвылъяськонын мыным кельшиз, трос пайдаёзэ, выльзэ тодӥ. «Удмурт чеберай» нимез утӥ. Туэ ини «Мисс Екатеринбург» ӵошатсконэ пыриськыны дӥсьтӥ. Таиз ужрад выль амалэн ортчиз. Капчи ӧй вал. Нырысь ик учкизы нылъёслэсь шаплы луэмзэс: кызьы асьсэды калык пќлын возё, кызьы вераськыны, ветлыны быгато… Тужгес но секытэз – сцена вылын ветлон, каблукъёсын вамышъян. Шер ветлӥсько каблукен, ӵемысь – кроссовкиен: мон котьку кытчы ке дыртӥсько, ваньзэ вуттыны тыршисько…

Юлия Шамшиярова Екатеринбургысь тужгес но чеберез ӧз ке но луы, удмуртъёс пӧлын тодмо луиз. Нош куарусёнлэн кутсконаз Мускоез «киултӥз». Шоркаре Татьяна Дорониналэн театр курсаз дышетскыны пырем,пе…                                    Статья   ДАРАЛИ ЛЕЛИ

Фестиваль «Жингрес гуръёс» в с.Сеп

Анс.»Ошмес» на фестивале «Жингрес гуръёс»

Фестиваль в с. Сеп 14-15 сентября

04032012296.jpg«Урал Кенеш» официально ваземын удмурт фестивале,кудиз ортчоз Эгра ёросысь Сеп черкогуртын 14-15 сентябре 2013аре.Делегацие асьме областьысь пыриськозы «Италмас» но «Зангари» ансамбльёс Каменск-Уральской ёросысь но «Ошмес» коллектив Екатеринбур карысь-ваньмыз ог 20 адями луозы.